Little Prince sa Pinas

30Mar08

Disyembre 30 sa Luneta, nakilala ko ang isang Rizalista.
“Bakit may dala kang bulaklak ?”
“Para ito sa aming tagapagligtas.”
“Ang sabi ng babae sa simbahan, yung duguang lalake sa krus ang tagapagligtas nyo, hindi nya kamukha yun.”
“Iba si Rizal, aming pambansang bayani!”
“Paano?”
“Sumulat sya ng mga nobela.”
“Tapos bayani na sya?  Sinong nagsabi?”
“Mga Amerikano.”
“Pilipino kayo ‘di ba? Bakit ganon?”
“Ganon talaga noong araw.”
“Iba ang itsura nya sa inyo.”
“Hindi kasi sya purong Pilipino.”
“Nanggaling din sya sa ibang planeta? Napakataas nya!”
“Ganon sya kahalaga sa bayan.”
“Ang swerte nya dahil sya ang napili nila.”

Filed under: Author: Marie Claire, Everyday Life, Fantasy   |  Leave a Comment
Tags: cult, first person, Rizalista